Ərdoğanın bu açıqlaması Kremli TƏLAŞA SALDI - SON DƏQİQƏ

Ərdoğanın bu açıqlaması Kremli TƏLAŞA SALDI - SON DƏQİQƏ
SİYASƏT
30-04-2021, 11:10
A+
A-
Xəbər verdiyimiz kimi Rusiyanın xarici işlər naziri Sergey Lavrov mayın 10-11-də Bakıya işgüzar səfərə gələcək. Lavrov Bakıya səfərindən öncə isə mayın 5-6-da İrəvana gedəcək. 

Sfera.az-ın məlumatına görə, bununla bağlı "Atlas” Araşdırmalar Mərkəzinin rəhbəri, politoloq Elxan Şahinoğlu deyib ki,  Rusiyanın xarici işlər naziri Sergey Lavrovun Azərbaycana səfərləri heç zaman xeyrimizə olmayıb:
"Rusiyalı diplomatın bütün təşəbbüsləri ziyanımıza olub. O, 2016-cı ilin aprelində təcili Bakıya gəldi və inandırdı ki, münaqişənin həlliylə bağlı "həll planı” işə düşəcək. İşğalçıya qarşı əks-hücumu dayandırdıq, ancaq Lavrov Bakını tərk etdikdən sonra Dağlıq Qarabağ ətrafındakı rayonların boşaldılması vacibliyini arxa plana keçirdi. 

Səfərlər arasındakı bir neçə günlük fasilə diqqətimi çəkdi. Belə çıxır ki, Lavrov mayın-5-də İrəvana gedəcək, mayın 6-da  Moskvaya qayıdacaq, 4 gün keçdikdən sonra yenidən bölgəyə - Azərbaycana gələcək. Nədən Lavrov birbaşa İrəvandan Bakıya gəlməyəcək? Görünür, Lavrovun hər iki tərəf üçün "sürpiz” təklifləri var”.

Politoloqun sözlərinə görə, Lavrov həm də Türkiyə prezidenti Rəcəb Tayyib Ərdoğanı qabaqlamaq istəyir:

"Çünki Ərdoğan daha əvvəl bəyan etmişdi ki, Ramazan bayramında, yəni mayın ortalarında Şuşaya gəlmək istəyir. Bakı və Ankara bu səfərə hazırlıqlara başlayıb. Moskva narahatdır. Kreml Ərdoğanın Şuşaya səfəri zamanı irəli sürəcək təkliflərdən ehtiyat edir. Ərdoğanın aprelin 24-də azərbaycanlı həmkarı İlham Əliyevlə telefon danışığından sonra "birgə addımlar atacağıq” açıqlaması da Kremli narahat etməmiş deyil.

Lavrov Bakıya hansı təkliflə gəlirsə-gəlsin, Kremlin növbəti hiyləsinə aldanmaq olmaz. Rusiyanın Qarabağdakı hərbçiləri Xankəndidə "hərbi parad” keçirəcək və bundan bir gün sonra Lavrov Bakıya gəlib bizi sakitləşdirməyə və "balanslı xarici siyasəti” qorumağa çağıracaq. Rusiya ilə Türkiyə bizim üçün eyni ola bilməz. Bunu Lavrova da anlatmağın zamanıdır”.
скачать dle 12.1